АЛАТАУ АУДАНЫ
әкімінің аппараты
A   A   A
ЖАҢАЛЫҚТАР
2019 жылдың15 қыркүйегі мен 10 желтоқсаны аралығында «Участок» атты Республикалық жедел профилактикалық іс-шара өтуде.

20.09.2019
2019 жылдың15 қыркүйегі мен 10 желтоқсаны аралығында «Участок» атты Республикалық жедел профилактикалық іс-шара өтуде.


19.09.2019
"Танысу " тренингтері жүргізілді.


19.09.2019
Ағымдағы жылдың тамыз айының басында Алатау ауданының «Бақыт отбасы» орталығы өз есігін айқара ашты.

Біздің аудан БІЗДІҢ АУДАН



Алатау ауданының 2018 жылғы әлеуметтік-экономикалық қорытындылары


Алатау ауданының 2018 жылғы әлеуметтік-экономикалық қорытындылары


Алатау ауданы 2008 жылы құрылған, 23 ықшамаудан орналасқан, жалпы жер аумағы 10 495 гектарды құрайды және халық саны 252 905  адам.

ЭКОНОМИКА

Мемлекеттік бюджетке 33 млрд. 434 млн. теңге түсіп, жоспар 103 пайызға орындалды.

Республикалық бюджетке 19 млрд. 989 млн. теңге түсіп, жоспар 100 пайызға орындалды.

Жергілікті бюджетке 13 млрд. 445 млн. теңге түсті, жоспар 108 пайызға орындалды.

Бүгінгі күні Алатау ауданында 4774 заңдытұлға тіркелген, оның ішінде 43 орта, 19 ірі және 22 074 жеке кәсіпкерлер тіркелген.

Аудандағы өнеркәсіптердегі өндірілген өнімнің көлемі 71 млрд. 902 млн. теңгені, жеке индекс көлемі 103,5 % құрады.

Ауданның негізгі капиталына салынған инвестиция көлемі 82 млрд. 200 млн. теңгені құрады. Жеке индекс көлемі 165,0%.

Бөлшек тауар айналымы 224 млрд.  564 млн. теңгені,көтерме тауар айналымы барлық қызмет түрі бойынша 455 млрд. 671 млн. теңгені құрады.

Аудан өнеркәсіптерінде 3669 жаңа жұмыс орындары ашылып, жұмысшылардың орташа еңбекақысы 159 343 теңгеге жетті.

Жабайы саудамен күрес мобильді тобымен 210 рейд өткізіліп, нәтижесінде 786 ұсақ сауда орындары жойылып, 168 дүңгіршек, 186 заңсыз орнатылған жарнамалар алынып тасталды.

«Индустриалды-инновациялық даму» мемлекеттік бағдарламасы аясында 490 гектар жер аумағын құрайтын Индустриалдық аймақтың құрылысы жүруде. Аталған аймақта тағам, фармацевтика, жеңіл, жиһаз, химия, көлік жасау, құрылыс өнеркәсіптері анықталған.

Қазіргі таңда, 17 млрд. 860 млн теңгені құрайтын, 5 нысан іске қосылды. Олар:

«БРБ АПК» ЖШС көкөніс өсіруге арналған жылыжай кешені, «Doc. Go. LTD» ЖШС кеңсе техникаларына арналған картридж шығаратын зауыты, «Tokyo Rope Almaty» ЖШС жоғары мықты металл конструкциялар мен панельдер өндіру зауыты, «Alma Pack» ЖШС қағаз қаптарының зауыты, «КМК Инвестмент» ЖШС жоғары технологиялық кәбілдерді шығаратын зауыты.  

Сонымен қатар, келесі жылы 8 өндірістік кәсіпорынның ашылуы жоспарлануда.

1. «КСМ ТехнОВИД» ЖШС - Энергия үнемдейтін архитектуралық қасбеттерді өндіру зауыты;

2. «Hardstone» ЖШС - Табиғи тастарды өңдеу қондырғысын көшіру зауыты;

3. «KazTigerTape» ЖШС - жабысқақ таспа мен созылған пленка өндіретін зауыт;

4. «Asia Steel Pipe Corporation» ЖШС - Үлкен диаметрлі болат дәнекерленген құбырлар өндіретін зауыт;

5. «Г.С.Г. Высотник» ЖШС - автоклавты ұялы газдалған бетон өндіретін зауыт;

6. «Алмерек» ЖШС - Дәрілік заттардың (IMN) бір рет қолданылатын зауыты;

7. «ASSET» ЖШС - полимер өнімдерін шығаратын зауыт;

8. «Group NAK 8» ЖШС - мұздатылған қамырды өндіру зауыты;

ТҰРҒЫН ҮЙ - КОММУНАЛДЫҚ ШАРУАШЫЛЫҚ

Инфрақұрылымды дамыту аудан әкімі аппаратының негізгі жұмыстарының бірі болып табылады.

Алатау ауданы аумағында 37 376 жеке және 537 көпқабатты тұрғын үй орналасқан.

2018 жылы 20 ауланы көріктендіру жұмыстары жүргізілді. Сонымен қатар, қазіргі уақытта 10 ауланы көріктендіруге байланысты жобалау-сметалық құжаттама дайындалуда.

Электр

Қоқыс сорттайтын кешенді үздіксіз электр энергиясымен қамтамасыз ету мақсатында ұзындығы 5,3 шақырымды, құны 1 млрд. 380 млн. теңгені құрайтын электр кәбілін тарту бойынша құрылыс жұмыстары жүргізілді.

«Саялы-2» шағынауданындағы көпқабатты тұрғын үйді электр энергиясымен қамтамасыз ету мақсатында ұзындығы 3,148 шақырымды, құны 1 млрд. 572 млн. теңгені құрайтын электр кәбілін тарту бойынша құрылыс жұмыстары жүргізілді.

Сонымен қатар, Момышұлы көшесіндегі мешіт құрылысына ұзындығы 1,5 шақырымды құрайтын электр кәбілін тарту бойынша құрылыс жұмыстары жүргізілді.

Сондай-ақ, аудандағы 45 көшеге жарық желілерін жөндеу жұмыстары жүргізіліп, 556 электрдиодтық шамдар орнатылды және 15 көшеге 595 бағана және 730 көше жарық шамдары орнатылды.

Газбен қамтамасыз ету

«ҚазТрансГаз» АҚ тарапынан «Шаңырақ-5», «Қарасу», «Трудовик», «Өжет», «Ақбұлақ», «Шаңырақ-1», «Құрылысшы», «Рахат-Мәдениет», «Ұлжан-1», «Көкқайнар» шағынаудандарында ұзындығы 55 шақырымды құрайтын газбен қамтамасыз ету бойынша жұмыстар жүргізілуде.

Су және кәріз жүйелері

Жалпы аудан аумағында 16 шағынауданға орталық инженерлік желілерді салу мақсатында құрылыс жұмыстары жүргізілуде. Салынып жатқан құбырлардың жалпы ұзындығы – 538 шақырым. Оның ішінде: су құбырларының ұзындығы 282,436шақырым, кәріз желілері – 255,623 шақырым. Бөлінген қаражат – 23 млрд. 608 млн. тг (Айгерім-1,2, Қарасу, Ұлжан-1,2, Дархан-Байбесік, Шаңырақ-1,2, Трудовик, АЗТМ-Алғабас, 14-территория, Ақбұлақ, Өжет, Көкқайнар, Құрылысшы, Рахат-Мәдениет). 2017-2018 жж. жалпы ұзындығы - 189 шақырымды құрайтын (оның ішінде су құбырлары – 94,3 шақырым, кәріз құбырлары – 94,8 шақырым) 15 шағынауданда құрылыс-монтаж жұмыстары жүргізілді.

Жол

Ағымдағы жылы «Ақбұлақ» шағынауданындағы Шәріпов көшесі бойымен Райымбек даңғылынан Шұғыла көшесіне дейін, ұзындығы 3,154 шақырым, Райымбек даңғылы мен Саин көшелері қиылысындағы жол айрығында, ұзындығы 2,8 шақырым, Солтүстік айналым көшесі бойында, Б.Момышұлы көшесіне Ақын Сара көшесінен зиратқа дейінгі аралықта, Алпамыс, Орбұлақ, Ертарғын көшелерінде, ұзындығы 4 шақырымды құрайтын орташа жол жөндеу бойынша құрылыс жұмыстары жүргізілді.

Сонымен қатар, Алғабас-6 шағынауданында жылпы ауданы                           17 812 шаршы метр шұңқырларды жамау бойынша жұмыстар жүргізілді.

Сонымен қатар, Момышұлы көшесінің бойымен Ақын Сара көшесіне дейін ұзындығы 350 метр жаяу жүргіншілер жолының құрылысы жүргізілді.

Сондай-ақ, Алматы қаласы жолаушылар көлігі және автомобиль жолдары басқармасы тарапынан 12 ықшамауданға жаңа жол салу мақсатында жобалау жұмыстары жүргізілді. Жоба бойынша ұзындығы 107 шақырым жол салу жоспарлануда.

Көкқайнар ықшамауданында Алматы қаласы жолаушылар көлігі және автомобиль жолдары басқармасы тарапынан жаңа жол салу құрылысы басталды. Жоба бойынша жалпы ұзындығы 5,8 км. жол салу қарастырылған. Құрылыс жұмысының аяқталуы 2019 жылға жоспарланған.

Сонымен қатар, Алматы қаласы Жолаушылар көлігі және автомобиль жолдары басқармасы тарапынан «АЗТМ-Алғабас», «Ақбұлақ», «Қарасу», «Көк Қайнар», «Ұлжан-2» шағынаудандары бойынша жобалау-сметалық құжаттама дайындалып, қазіргі таңда конкурстық шаралар жүргізілуде.

Қалған «Ұлжан-1», «Шаңырақ-2», «Шаңырақ-1», «Әйгерім-2», «Дархан-Байбесік», «Трудовик» ықшамаудандары бойынша жобалау-сметалық құжаттама дайындалған. Қазіргі таңда қаражат бөлу қарастырылуда.

Құрылыс       

Бүгінгі таңда аудан бойынша 107 көпқабатты тұрғын үйлердің құрылыс жұмыстары жүргізіліп жатыр, 13058 пәтерлерден тұратын жалпы ауданы 740 562 шаршы метрді құрайды «Саялы», «Алгабас-1» ш/а, «Алмалы», «Алатау ТК.

        Рысқұлов даңғ. мен Емцов көш. қиылысында автокөліктерге арналған жол айрығының құрылыс жұмыстары жүргізіліп жатыр.

        Алғабас шағынауаданында 600 орынға арналған мектептің құрылыс жұмыстары, 2550 орынға арналаған 4 мектептің қосымша құрылыс жұмыстары және №91 мектептің жер сілкінісіне төтеп беру мақсатында күрделі құрылыс жұмыстары жүргізілді.

        Саялы және Алғабас-1 шағынаудандарында 640 орынға арналған 2 балабақша салынып бітті және Алғабас пен Теректі шағынаудандарында 240 орынға арналған балабақшаның құрылыс жұмыстары жүргізіліп жатыр.

        Мектептердің тапшылығын жою мақсатында «Дархан» (900 орынға), «Рахат-Мәдениет» (900 орынға), «Трудовик» (1200 орынға), «Атлетикалық ауыл» (1200 орынға) «Заря Восток» (500 оырнға) және «Саялы-2»                        (1200 орынға) шағынауадандарында 6 мектептің құрылыс жұмыстары жоспарланып отыр.

       

Көріктендіру

Жеке тұрғын үйлерді су басып қалу қауіпінің алдын-алу мақсатында, «Құрылысшы», «Қарасу», «АЗТМ-Алғабас», «13-аумақ», «Заря Восток» ықшамаудандарында 1 млрд. 310 млн. теңгеге 5299 метр арық, 2741 метр пластикалық құбыр, 32 желілік құдық және 4447 шаршы метр жол салынды.

Рысқұлов даңғылы бойы Шәріпов – Момышұлы көшелерінің бойын, сондай-ақ, Солтүстік айналым көшесінің бойы «Гелиос» АЖҚС-нан бастап Балқурай көшесіне дейінгі аралықты көріктендіру мақсатында жобалық-сметалық құжаттама жасалды. Бөлінген қаражат сомасы 11 млн. 514 мың теңге.

43 млн. теңгеге аудандағы 4 жерасты жаяу жүргіншілер өтпе жолына жөндеу жұмыстары жүргізілді. Сонымен қатар, 2019 жылы 23 млн. теңгеге 18 жерүсті жаяу жүргіншілер көпірлерін күрделі жөндеу жұмыстарына жобалық-сметалық құжаттаманың жасалуы жоспарлануда.

ӘЛЕУМЕТТІК САЛА

Алатау ауданындағы әлеуметтік аз қамтылған азаматтарды қолдау аудан әкімдігінің негізгі басым-бағыттарының бірі болып табылады.

Бүгінгі күні ауданда 16 953 зейнеткер, 15 Ұлы Отан соғысына қатысушылар, 622 тыл еңбеккерлері, 5071 мүгедектер, оның ішінде 887 мүгедек балалар тұрады.

2018 жылы 285 зейнеткер «Аққайың», «Самал», «Спутник» шипажайларында демалып қайтты.

Үйде әлеуметтік көмек көрсету бөлімшесіндегі 23 әлеуметтік жұмысшы 136 жалғызбасты зейнеткерлерге қызмет көрсетеді.

9 мамыр Жеңіс күнін мерекелеу қарсаңында ҰОС ардагерлері мен мүгедектеріне және ардагерлерге теңестірілген тұлғаларға 20 млн. 50 мың теңгеге бір жолдық әлеуметтік көмек көрсетілді.

7 мамыр Отан қорғаушы күні мен 9 мамыр Жеңіс күнін мерекелеуге орай, 200 ардагерге мейрамханада дастархан жайылып, концерттік бағдарлама ұйымдастырылып, азық-түлік себеттері таратылды.

Сонымен қатар, 45 зейнеткерге «Алматы Арена» спорт кешенінен 6 айға тегін түрде бассейнге қатыстыру ұйымдастырылды.

Балаларды қорғау күнінен орай, 900 балаға циркқа, театрға, мұз сырғанау ұйымдастырылды.

«Мектепке барар жол» республикалық ациясы аясында демеушілер көмегімен 640 оқушы мектеп формаларымен және 340 бала мектепке қажетті құрал-жабдықтармен қымтамасыз етілді.

Ауданда 2711 көпбалалы аналар тұрады, оның ішінде 1192 ана тиісті медальдармен марапатталған: 345 ана – «Алтын алқа», 665 ана – «Күміс алқа».

Әлеуметтік аз қамтылған отбасылардан шыққан 2289 оқушыны мектептерде тегін тамақтандыруға 131 млн. теңге жұмсалды.

Әлеуметтік төлемдермен 85 млн. теңгеге 1937 отбасы қамтамасыз етілді.

2018 жылы 2192 адам жұмысқа орналастырылды, әлеуметтік жұмыс орындарына 140 адам орналастырылды, қоғамды жұмыстарға 577 адам жолданды, біліктілігін арттыру курстарына 323, жастар практикасы бойынша 224 жолдама берілді.

БІЛІМ САЛАСЫ

2008 жылы аудан құрылған уақытта 16 мектепте 18 600 бала оқитын, бүгінгі күні 25 мемлекеттік мектепте және 2 жеке меншік мектепте 41 676 оқушы оқиды, яғни оқушылар саны 23 мыңға өсіп отыр.

Алатау ауданы Ұлттық Бірыңғай Тестілеуден 2017-2018 оқу жылында
97,7 балға қол жеткізді.

Сонымен қатар, өткен оқу жылында «Алтын белгі» төсбелгісіне
90 үміткердің барлығы білімдерін дәлелдеп, төсбелгі иегерлері атанды, Үздік аттестатқа 88 оқушы ие болды.

Қалалық және республикалық олимпиадалардан 58 оқушы жеңімпаз атанды.

Бүгінгі күні ауданда 16 мемлекеттік және 96 жеке балабақшалар орналасқан.

16 мемлекеттік балабақшаларда 4405 бала, 96 жеке меншік балабақшаларда 5790 бала тәрбиеленуде.

2-5 аралығындағы балаларды мемлекеттік балабақшаларда қамту үшін жергілікті бюджеттен 560 млн. теңге бөлініп, «Балапан» бағдарламасы арқылы 874 млн. теңге бөлінді.

Сондай-ақ, Жыл басынан 830 орындық 20 жеке-меншік балабақша ашылып, оның ішінде 810 бала мемлекеттік білім беру тапсырысы бойынша қаражаттандырылады.

ДЕНСАУЛЫҚ САҚТАУ САЛАСЫ

Ауданда 5 мемлекеттік және 2 жеке меншік емхана қызмет етеді.

Аудандағы емханаларда 201 867 тұрғын тіркелген.

Атқарылған жұмыстардың нәтижесінде ауданның денсаулық сақтау саласында оң көрсеткіштер байқалады.

Есептік кезеңде емханаларда 414 522 тұрғынға қызмет көрсетілді.

Туберкулез ауруының алдын-алу мақсатында, аудан емханаларында жыл сайын флюорографиялық тексеру өткізіліп тұрады. Қазіргі таңда,
55 255 адам қамтылып, жоспар 99,3 %-ға орындалды.

Жоғары мамандандырылған медициналық көмек көрсету үшін   емханаларда науқастарды емдеуге бағытталған 231 квота берілді, туылған сәбилер саны – 5127 баланы құрап отыр.

МӘДЕНИЕТ

Алатау ауданының 10 жылдық мерейтойына орай,«Алатау» дәстүрлі өнер театрында «Алатау алабында» атты іс-шара өткізіліп, этноауыл көрмесі, киіз үйлер, қолөнер шеберлер жәрмеңкесі ұйымдастырылды.

«ҚР тілдерді дамыту мен қолданудың 2011-2020 жылдарға арналған мемлекеттік бағдарламасын іске асыру мақсатында ұйымдастырылған «Ана тілім- ән жырым» қалалық байқауындаАлатау ауданы «Толғауы терең жыр – терме»,«Сұлу сазды әсем ән», «Мағыналы ойлы көркемсөз» номинациялары бойынша жүлделі орындарды иеленді.

        Жалпы, тілдерді дамыту бағытындағы ұйымдастырылған кешенді
іс-шараларда Алатау ауданы 2 орынды иеленді.

Алатау ауданындағы «Көкқайнар» ықшамауданында 4 көше, «Әйгерім-1,2» ықшамауданында 7 көше, «Ақбұлақ» ықшамауданында 1, «Қарасу» ықшамауданында 1 көше, «Алғабас» ықшамауданында 56 көше, «Боралдай» ықшамауданында 18, «Мәдениет» ықшамауданында 11, «Теректі» ықшамауданында 15, «Өжет» ықшамауданында 4 және «Заря Восток» ықшамауданында 5 көшенің атаулары өзгертілді.Жалпы саны 122 көшенің атауы ауыстырылды.

Алатау ауданы бойынша көрнекі ақпараттарды дұрыс орнатпаған, қазақ тілінде қате жазылған немесе қазақ тілінде аудармасы жоқ мекемелер мен сауда орталықтарының басшыларына орын алған қателіктерді қалыпқа келтіру жөнінде хат жолданды. Бүгінгі күні анықталған қателер мен кемшіліктер қалыпқа келтірілді.

Қоғамдық қауіпсіздік

2018 жылдың 11 айында ауданда 6175 құқық бұзушылық орын алды. 2017 жылмен салыстырғанда 0,10%-ға азайды. Оның ішінде қылмыстық құқық бұзушылық – 6019, былтырғы жылмен салыстырғанда 1,7 %-ға аз тіркелді. Қылмыстың ашылу деңгейі 1%-ға өсіп, 20,1%-ды құрады.

Тұрғындардың ұсыныстары, ескертпелері мен тілектерін жинау үшін қойылған арнайы жәшіктер орналасқан жерлердің мекен-жайлары:

1. «№149 жалпы білім беретін мектеп» КММ, «Әйгерім» ықшамауданы, В. Бенберин көшесі, 52

2. «№26 жалпы білім беретін мектеп» КММ, «Шаңырақ-2» ықшамауданы, Жанқожа батыр көшесі, 202

3. «№180 жалпы білім беретін мектеп» КММ, «Саялы» ықшамауданы, Ақ-Кайнар көшесі, 7

4. «№152 жалпы білім беретін мектеп» КММ, «Ұлжан» ықшамауданы, Жалайыр көшесі, 48

5. «№178 жалпы білім беретін мектеп» КММ, «Ақбұлақ» ықшамауданы Суаткөл көшесі, 41

6. «№182 жалпы білім беретін мектеп» КММ, «Алгабас-6» ықшамауданы, №1/65 үй

7. «№156 жалпы білім беретін мектеп» КММ , «Өжет» ықшамауданы, Әуезов көшесі, 48