АЛАТАУ АУДАНЫ
әкімінің аппараты
A   A   A
ЖАҢАЛЫҚТАР
       Мемлекеттік қызметкер күнімен құттықтаймыз !

24.06.2019
Мемлекеттік қызметкер күнімен құттықтаймыз !


20.06.2019
Ауданда жазғы демалыс лагерлері жұмысын жасауда


20.06.2019
Атаулы әлеуметтік көмек жөнінде ақпарат

Біздің аудан БІЗДІҢ АУДАН



Ұйымдастыру жұмысы және құжаттамалық қамтамасыз ету бөлімі


«Алматы қаласы Алатау ауданы әкімінің аппараты» КММ-нің ұйымдастыру жұмысы және құжаттамалық қамтамасыз ету бөлімінің

Е Р Е Ж Е С І

1.Жалпы ереже

1.1. Алатау ауданы әкімі аппаратының ұйымдастыру жұмысы және құжаттамалық қамтамасыз ету бөлімі (бұдан әрі-бөлім) «Алматы қаласы Алатау ауданы әкімінің аппараты» КММ-нің құрылымдық бөлімі болып табылады.

         1.2. Бөлім өзінің қызметінде Қазақстан Республикасы Конституциясын, «Қазақстан Рспубликасындағы жергілікті мемлекеттік басқару және өзін-өзі басқару туралы», «Сыбайлас жемқорлыққа қарсы іс-қимыл туралы», «Қазақстан Республикасының мемлекеттік қызметі туралы», мемлекеттік қызметшілердің әдеп Кодексін, Қазақстан Республикасы Президенті мен Үкіметінің, Алматы қаласы әкімінің және аудан әкімінің, қалалық мәслихаттың актілерін, «Алматы қаласы Алатау ауданы әкімінің аппараты» КММ-нің жұмыс регламентін, аудан әкімінің шешімдері мен өкімдерін және осы Ережені басшылыққа алады.

         1.3. Бөлімнің құрылымы мен штаттық санын Қазақстан Республикасы заңнамаларында белгіленген тәртіппен аудан әкімі бекітеді, бөлімнің құрамында бөлім басшысы және 3 бас маман бар.

         1.4. Бөлім қызметкерлерін жұмысқа қабылдау, ауыстыру және жұмыстан босату Қазақстан Республикасының заңнамаларына сәйкес аудан әкімінің өкімімен жүзеге асырылады.

         1.5. Бөлім басшысы мен бас мамандардың міндеттері лауазымдық нұсқаулыққа сәйкес жүзеге асырылады.

2. Бөлімнің негізгі міндеттері

2.1. Аудан әкімінің, оның орынбасарларының және аудан әкімі аппаратының құжаттамалық қамтамасыз ету қызметін жүзеге асыру.

2.2. Құжаттардың өтуін бақылауды жүзеге асыру, құжаттарды есепке алу және сақталуын қамтамасыз ету.

2.3. Қазақстан Республикасының заңнамалық актілерімен және аудан әкімінің актілерімен тапсырылған басқа да мәселелерді қарастыру.

2.4. Аудан әкімінің қатысуымен өтетін іс-шараларды дайындау және ұйымдастыру.

3. Бөлімнің негізгі қызметі

3.1. Аппарат бөлімдерімен бірге ағымдағы және келешек жоспардың дайындалуын және орындалуын қамтамасыз етілуін бақылау.

3.2. Жеке және заңды тұлғалардың өтініштерін қарау мерзімдерін есепке алу мен бақылауды жүргізу.

3.3. Аудан әкімінің аппараты бөлімдерінің белгіленген талаптары бойынша құжаттармен жұмыс істеуді бақылау.

3.4. Жеке және заңды тұлғалардың өтініштеріне жүйелі түрде қорытынды талдау жасау, аппарат басшылығына өтініштердің саны мен сипаты туралы хабардар ету, есеп беру құжаттарын қамтамасыз ету, есеп құжаттары бойынша жұмыстың орындалуын қамтамасыз ету.

3.5. Жеке және заңды тұлғалардың өтініштерін қарастыру бойынша ұйымдастыру жұмысын жүргізу үшін аудан әкімі аппаратының бөлімдеріне әдістемелік көмек көрсету.

3.6. Аудан әкімі аппаратының істер номенклатурасын қалыптастырады, аппарат бөлімдері мен қызметкерлерінен іс жүргізумен аяқталған құжаттарды сақтауға қабылдау.

3.7. Орындаушыларға құжаттардың жеткізілуін жедел қамтамасыз ету.

3.8. Бөлімнің құзыретіне сай, аппарат бөлімдерінен, құрылымдық бөлімшелерден, аудан қызметтерінен қажетті материалдар, мәліметтер, есептер мен ақпараттарды сұрату.

3.9. Ауданға қатысты сұрақтарды Алматы қаласының мемлекеттік басқару органдарымен бірлесе жүзеге асыру.

3.10. Бөлімнің құзыретіне сәйкес, аудан әкімінің шешімдері мен өкімдері аппарат бөлімдерінде орындалуын тексеру.

3.11. Белгіленген тәртіптерді бұза отырып ұсынылған құжаттардың толықтыруын талап ету.

3.12. Бөлімнің құзыретіне кіретін сұрақтар бойынша жиналыстар, семинарлар өткізу және кеңес беру.

3.13. Құрылымдық бөлімшелердің қайта ұйымдастырылуы, таратылуы және жылдың соңында аудан әкімі аппаратының ведомствалық мұрағатына уақытылы өткізілуін ұйымдастыру.

3.14. Аудан әкімінің халық алдында есеп беру кездесуін өткізу, конференция және басқа да іс-шараларды бақылауды қамтамасыз ету.

3.15. Сайлаушылардың тізімін анықтау және жасау бойынша жұмысты бақылау және жүргізу.

3.16. Мереке күндері және қажет болған жағдайларда аудан әкімінің аппаратында жауапты қызметкерлердің кезекшілігін ұйымдастыру.

4. Бөлімнің құқықтары

         4.1. Бөлім қызметіне қатысты әкімшіліктің құрылымдық бөлімшелерінен, мемлекеттік органдарынан қажетті ақпараттарды, мәліметтерді талап ету.

         4.2. Аудан әкімі аппаратының регламентіне және жоспарына сәйкес тиісті іс-шараларды өткізуге, қажетті ақпараттар мен мәліметтерді дайындау үшін бөлім мамандарын және тиісті мекемелерді тарту.

         4.3. Аудан әкімінің бөлім жұмысын жақсарту жөнінде ұсыныстар жасау.

5. Бөлім қызметкерлерінің жауапкершілігі

5.1. Бөлімнің қызметтік міндеттемелеріне сәйкес жүктелген тапсырмалардың уақытылы және сапалы орындалмауы.

5.2. «Алатау ауданы әкімінің аппараты» КММ-не тиесілі мүліктің және материалды құндылығы бар заттардың күтіп ұстамағандығы үшін жауапқа тартылады.

5.3. Қызметтік және мемлекеттік маңызы бар мәліметтердің айқындалуы.

Бөлім басшысы: Марат Жандос Маратұлы

Мекен жайы: Алматы қаласы, Алатау ауданы, Шаңырақ 2 ықшамауданы, Жанқожа батыр 26,409 каб.

Телефоны: 299-86-32, 299-86-77